Katxi Klothing-ek 2023ko udaberri-udako surf-jantzien bilduma aurkezten du.

Bilduma bat sortzean, hasieran, beti izaten da txinparta txiki bat: gure eskualdearen bihotzetik —hazten ikusi gaituzten hiri eta herrietatik— ateratako inspirazioa.

Hori da Katxi Klothing markaren funtsa bera, 2016an sortu zenetik.

Horrela, ohikoaz haratago, itsaso zabalari eskainitako bilduma bat sortzeko ideia olatuetan barrena doazen surflariak ikustean, antzinako mito eta kondairetan murgiltzean edo amaierarik gabeko horizontean galtzean etorri zitzaigun.

Unibertso hori irudikatzeko, kolore-paleta pastel eta *vintage* bat aukeratu dugu, transmititu nahi genuen giroaren leuntasuna zein indarra nabarmentzeko.

Diseinuari dagokionez, inspirazio-iturriak askotarikoak dira: iparrorratzak, koordenatuak eta olatuak —noski—, baita mitologia ere (Urtzi, trumoiaren euskal jainkoa, kasu). Horiek guztiak itsaso zabalari egindako keinuak dira; Katxi Klothing taldeak gogor lan egin du elementu horiek guztiak aurkitu eta uztartzeko, bilduma hau sortze aldera.

Surf-estiloko itxura lasai eta informal hori —aldi berean betikoa eta gaur egungoa— Euskal Herriko bizimodua ospatzeko modu bat da, eta, zalantzarik gabe, Katxi Klothing-en nortasuna islatzen du.

Orduan, gurekin murgilduko al zara?

Lili