De Grands Enfants - Single berria
Euskal Herriko artista-bikote eta Katxi Klothing-eko enbaxadoreek single berria kaleratu dute. Ohore handia da guretzat gure sorkuntzak janzten jarraitzea beren azken bideoklipean: "Je t'aime comme t'es".
Badira haurtzarotik gugan arrastoa uzten duten soinuak eta ahotsak.
Baptiste Dalemanenak eta Anatole Schoefflerrenak horien artean daude.
2004an, eskolako mahaietan, gure Walkmanetan —bai, bai, hain zaharrak gara...— aste batzuk lehenago Saran grabatutako lagin paregabe bat entzuten genuen.
Ia hogei urtez irauten duen «fan-club» jarreraren hastapenak izan ziren haiek.
Behin eta berriz entzun ditugu, inoiz nekatu gabe: kostaldeko terrazetan, herriko jaietan, agertokian zein tabernako barran bat-batean jotzen.
Haien doinuez eta haien eroaldi gozoaz blaitu gara.
“De Grands Enfants” da 2az geroztik duten azken izen artistikoa, eta, nire ustez, hobekien datxekiena.
Baptiste eta Anatolek haur-arima mantentzea lortu dute hitz soil, positibo eta unibertsalen bidez, apaingarri hutsaletan galdu gabe; baina ez pentsa haur-kontu hutsak direnik: testu bakoitzak mezu bat dakar, eta bihotzak zein arimak berotzen dituzten egia eta itxaropenak helarazten ditu.
Ingurumenaren defentsa, adiskidetasuna, norbere burua onartzea eta besteekiko zein naturarekiko harremana lantzen dituzte —gai askotarikoak eta konprometituak—, beren balioei leial eta beren arma gogokoenak erabiliz: umore-pixka bat eta irribarre zabal-zabalak.
2020an ere, bikoteak ofizialki ezagutu zuen Katxi Klothing taldea eta markaren enbaxadore bihurtu zen; gure arteko lotura diren balio horiek eta Euskal Herriarekiko maitasuna transmititzeko gogo biziz.
“Un monde 2 fous”, “Le langage des nuages” eta “Tout à défendre” lanen ondoren, gaur “Je t'aime comme t'es” abesti berri-berria aurkeztu digute; erritmo eguzkitsua duen kanta honek dantzara eta zorionera gonbidatzen gaitu.
DE GRANDS ENFANTS "Zaren bezalakoa maite zaitut"
Eskerrik asko bi enbaxadore berezi horiei; izan ere, beren originaltasuna indargune, bizi-estilo eta inspirazio bihurtzen jakin dute.
Ahal den neurrian eta ahalik eta denbora gehien, guk ere haur handien gisa bizi eta liluratzeko aukera izan dezagun!
